Елордада коронавирустың 14 жаңа оқиғасы анықталды
Қазақстан бойынша жұқтырғандар саны 27 адамды құрады
Астанада коронавирусты жұқтырудың 14 жаңа оқиғасы тіркелді,деп хабарлады Денсаулық сақтау министрі Елжан Біртанов шұғыл брифингте.
«Бүгін таңертең біз Алматыда жаңа үш науқас туралы ақпараттандырдық. Сондай-ақ, Нұрсұлтан қаласында тіркелген 14 жаңа пациент туралы хабарлаймыз. Бұл пациенттер карантинге орналастырылды және диагноз расталды», — деді Біртанов.
Ол барлық байланыстағы тұлғалар анықталғанын, «оларды карантиндеу және оқшаулау жүргізілуде»деп сендірді.
Осылайша, Қазақстан бойынша жұқтырғандардың жалпы саны 27 адамға жетті. Оның 11-і Алматыда және 16-ы елордада.
