Оралдықтар адасып қалған ақ сусарды құтқарды

Жергілікті тұрғындар жануарды ағашта, көп қабатты үйдің ауласында көрді.

Тұрғындарының бірі Болаттың пікірінше, ақ сусарды ағашқа шығуға сол ауладағы иттер мәжбүр етті.

— Теректің бұтағына ілініп тұрған ақ сусарды көргенде, жануардың үстінен қарғалар ұшып, ал төменнен иттер үріп тұрды. Әлбетте, иттерден қорқып терекке шығып кеткен болуы керек. Мұның барлығы Назарбаев даңғылы 244 үйдің ауласында болды, – деді ол.

Оның айтуынша, ақ сусарды арнайы техникамен түсіріп, оны жергілікті хайуанаттар бағына берген.

– Ағаш жоғары болғандықтан, оны алу оңай болмады. Бізге арнайы техника шақыруға тура келді. Ақ сусарды түсірген кезде, оны қарғалар шұқып тастағанын байқадық. Бірақ хайуанаттар бағында оны емдеуге уәде берді. Ал содан кейін олар онымен не істейтінін білмеймін…мүмкін босатып, мүмкін хайуанаттар бағында да қалады, — деді Болат.