Орал саяжайшылары электронды базаға енгізіледі
Бұл саяжай тұрақты тұратын жер болып табылатын адамдарға ғана қатысты болады.
Бұл қалай жасалатынын — бағбандар және бақшашылар қоғамдық бірлестігінің басқарма мүшесі Петр Лежников айтты.
— Саяжайшылар екі топқа бөлінген. Саяжайда тұрақты тұратындар. Көктемгі және жазғы маусымда бау-бақша жұмыстарына арналған саяжай учаскесін пайдаланатындар,— деп, түсіндірді Лежников
Саяжайда тұрақты тұратындар өз төрағасына тізім ұсынуы шарт. Ол тізімдерді жалпы мәліметтер базасына тіркеу үшін қала әкімдігіне береді. Бұл саяжайшылар дәріханаға немесе дүкенге шыға алуы үшін жасалған.
Саяжайда тұрмайтын саяжайшылар саяжайға бару кезінде блокпост қызметкеріне мүшелік жарна кітапшасын немесе саяжай учаскесінің жерін иелену актісін көрсетеді. Бұл өзгеріссіз қалады.
Бау-бақша қоғамдарының күзетшілеріне, дәнекерлеушіге, электриктерге, төрағалары мен кассирлерге олардың жұмыс күндері апта бойына кіруге рұқсат.
— 6 бау-бақша қоғамы кіретін Зашаған елді мекеніне тізімді беру қажет емес. Онда тұратын адамдар қала тұрғындары болып саналады, — деді Петр Лежников.
