Полиция Ақсайлық ауру жұқтырғанмен таксиде бірге болғандарды тапты
Бір таксиден коронавирус жұққан әйелімен Ақсай қаласынан келген 4 жолаушы табылды. Олар коронавирус сынағынан өтті-нәтижесі теріс.
— Біз қалған төрт жолаушыны таптық, олар сол күні таксимен ауырған адаммен бірге жүрген. Оларды «Қымызды» провизорлық стационарына 2 күнге орналастырып, коронавирусқа тексерді. Нәтиже теріс болды, сондықтан қазір олар үй карантинінде жатыр, — деп хабарлады БҚО ІІД баспасөз хатшысы Болатбек Белдібеков.
Естеріңізге сала кетейік, бір апта бұрын БҚО полициясы Ақсайдан коронавирус жұққан әйелімен бірге болған такси жолаушылары іздестірілуде деген болатын.
«БҚО тауарлар мен қызметтердің сапасы мен қауіпсіздігін бақылау департаменті Бөрлі ауданы әкімдігінің интернет ресурстарындағы жарияланымға сәйкес, байланыс жасаған емделушілердің бірі 24.03.2020 жылы РФ-нан Ақсай қаласына Орал қаласы арқылы Ford Transit маркалы автомашинада бірге болғанын хабарлады. Өкінішке орай, қазіргі таңда автокөліктің барлық жолаушылары әлі белгіленбеген. Эпидемиологиялық тексеру барысында осы көліктің жүргізушісі және 3 (үш) жолаушысы анықталды. Облыста тұрақты санитарлық-эпидемиологиялық салауаттылықты қамтамасыз ету үшін ағымдағы жылдың 24 наурызында Орал-Ақсай бағыты бойынша сағат 18.00 — ден 22.00-ге дейін жедел түрде 103 нөмірі бойынша, Бөрлі аудандық УККБТУ 8(7113) 32-05-71 және БҚО тауарлар мен қызметтердің сапасы мен қауіпсіздігін бақылау департаментінің 8 (7112) 51-27-66 нөміріне хабарласуларыңызды сұраймыз», — делінген хабарламада.
Алексей Воробьев
