Полиция БҚО ауылында 3 адамның өлтірілгенін растады
БҚО полиция департаментінде жанып кеткен үйінен табылған анасы мен екі қыздың мәйіті өлтірілгенін растады. Қазір қайтыс болған әйелдің күйеуіне қатысты сотқа дейінгі тергеу басталды.
— 9 сәуір күні түнгі сағат 01: 50-де Тасқала ауданы Ақтау кентінде жеке үйдің өртін сөндіру кезінде осы ауылдың тұрғыны мен оның екі кәмелетке толмаған қызының мәйіті табылды. Осы қылмысты жасады деген күдікпен 1986 ж. т. әйелдің жұбайы анықталып, ұсталды. Қазіргі уақытта ол ауруханада жатыр. Аталған факті бойынша ҚК 99 бабы бойынша сотқа дейінгі тергеу басталды («Кісі өлтіру»), — деп хабарлады БҚО ІІД баспасөз хатшысы Болатбек Белдібеков.
Естеріңізге сала кетейік, ұсталған ер адам өз-өзіне қол жұмсамақ болған. Қайтыс болғандардың мәйіті судмедэкспертизға жіберілді.
«Орал апталығына» сілтемесіз кез келген фото/бейне/мәтіндік материалдарды пайдалануға тыйым салынады.
Алексей Воробьев,
Фото Артем Букреевтікі
