БҚО шекарасында коронавируспен ауырған тағы бір вахташы анықталды

Бүгін, 12 сәуірде «Тасқала» бекетінде коронавирусты жұқтырудың кешегіге ұқсас оқиғасы анықталды. Ер адам Мәскеуде вахталық әдіспен жұмыс істейді, онымен бірге карантинге тағы 6 вахташы орналастырылды.

Облыстық санитарлық бас дәрігері Мұхамғали Арыспаев COVID-19 ауруының жаңа жағдайы туралы айтып берді.

— Шекарадан өту кезінде ер адамның температурасы жоғары болды. Оны бірден оқшаулап, провизорлық стационарға апарып, коронавирусқа оң талдау жасалды. Қазір ол жұқпалы ауруханада. Одан басқа, карантинге тағы 6 вахталық жұмысшы орналастырылды, олардың COVID-19 тесті теріс болды, — деді Бас санитарлық дәрігер.

Мемлекеттік комиссияның жедел штабының мәліметі бойынша, 31 жастағы ер адам Оралда тұрады. Осылайша, қазір БҚО — да 8 жұққан адам бар: 4 адам-БҚО арқылы өз үйлеріне кетіп бара жатқан өзбек азаматтары, Саратов пен Атырауда ауырған екі әйел және Мәскеуден БҚО-ға келген екі вахталық жұмысшы.

Алексей Воробьев