БҚО-да карантин шаралары қайтадан күшейтіледі: пошта және банктер жабылады, қоғамдық көлік тоқтайды
БҚО билігі облыстағы коронавирус ауруының жаңа жағдайларынан кейін карантиндік шараларды қатаңдатуды шешті. Бұл жолы карантиндік шаралардың күшеюі адамдардың үйде отыруына бағытталған.
Батыс Қазақстан облысының бас санитарлық дәрігері Мұхамғали Арыспаев облыста карантиндік шараларды күшейту туралы айтып берді.
-Ертеңнен бастап (16 сәуір) барлық облыс бойынша барлық банктік және пошталық қызметтер жабылады. БҚО-ның барлық азық-түлік базарының жұмысы тоқтатылатын болады. Қоғамдық көліктің жұмысы тоқтатылады. Осы іс-шаралардың барлығы адамдар үйде отыруы үшін алдын алу мақсатында бағытталған. Карантиндік іс — шаралар біртіндеп күшейтіледі, – деді ол.
Естеріңізге сала кетейік, бұл облыс аумағында карантиндік шаралардың алғашқы күшеюі емес. 21:00-ден кейін қала мен облыс бойынша қозғалуға бұдан бұрын тыйым салынды, медициналық бетпердені тағып жүру міндетті болды, ал саяжай учаскелеріне бару уақыты сәрсенбі мен сенбіден, сенбі және жексенбі күндеріне ауыстырылды.
Алексей Воробьев
