Оралда жылыту маусымы 22 сәуірге дейін ұзартылуда
Оралда жылу беру маусымы ауа райының қолайсыздығына байланысты ұзартылатын болады. Жылу беруді өшіру үшін үш күн қатарынан 10 градустан жоғары температура болуы керек.
«Жайықжылуқуат» жылыту маусымын ұзартуға мәжбүр екенін монополист-кәсіпорын басшысы Қуат Мусин хабарлады.
— Бізде жылыту маусымын бастайтын және аяқтайтын нормативтер бар. Осы нормативтер бойынша жылуды өшіру үшін кемінде үш күн қатарынан орташа тәуліктік температура 8 градустан және одан жоғары болуы тиіс. Бізге Қазгидромет беретін ауа райы болжамы алдағы бірнеше тәуліктерде мұндай жылы ауа райы болмайтынын көрсетеді, — деп хабарлады Қуат Мусин.
Оның орынбасары Вячеслав Солодилов жылыту маусымы 22 сәуірде аяқталатынын айтты.
