2020 жылдың 20 сәуірінен бастап Орал қаласында күшейтілген карантин режимі енгізіледі
БҚО бас санитарлық дәрігерінің қаулысының талаптарын орындау және коронавирусты инфекцияның таралуының алдын алу мақсатында полиция қызметкерлері 2020 жылдың 20 сәуірінен бастап қалада күнделікті рейдтер өткізіп, блокпостарда бақылау күшейтіледі.
ТЖ режимін бұзғаны үшін ҚР ӘҚБтК-нің 476-бабы бойынша әкімшілік жауапкершілік көзделген және 10 АЕК (27 780 теңге) мөлшерінде айыппұл салуға немесе 15 тәулікке дейінгі мерзімге әкімшілік қамауға алуға жазаланады.
Бүгінгі күні 476-бап бойынша 454 хаттама жасалды. Оның ішінде: 3 ескерту, 68 айыппұл, 154 қамау және 229 қарауда.
Батыс Қазақстан облысының полиция департаменті азаматтардан карантинді режимді қатаң сақтауды және полицейлердің заңды талаптарына түсіністікпен қарауды сұрайды. Осы шаралардың барлығы сіздің денсаулығыңыз бен жақындарыңыздың денсаулығы үшін қолданылады.
Қалаға кіру, шығу және қозғалу үшін Сізге stopcovid.kz. сайтына тіркелу керек.
ҚОЗҒАЛЫС БОЙЫНША ЖАДЫНАМА
Қала бойынша қызметі халықтың тыныс-тіршілігін қамтамасыз етумен байланысты және STOPCOVID.KZ сайты арқылы қаланың жедел штабымен мақұлданған кәсіпорындардың қызметкерлері қозғала алады.
МАРШРУТ ҮЙ-ЖҰМЫС: ӨЗІМЕН БІРГЕ ЖЕКЕ БАСЫН КУӘЛАНДЫРАТЫН ҚҰЖАТ БОЛУЫ КЕРЕК
Қала постына шығу/кіру: халықтың тіршілігін қамтамасыз етуге маңызды кәсіпорындар (коммуналдық кәсіпорындар, шаруа қожалықтары, мұнай-газ және құрылыс компаниялары, азық-түлік, дәрі-дәрмек және пошта қызметтері) өзімен бірге жеке басын куәландыратын құжатын алып жүруі керек:
тауар-көлік жүкқұжаты не іссапар парағы не жеткізу парағы не жол жүру мекенжайы міндетті түрде көрсетілген маршруттық парақ болуы шарт.
