БҚО саяжайшыларына өз телімдеріне бару үшін қосымша күндер бөлінеді
Қандай күндер екені саяжай қоғамдарының төрағаларымен талқылағаннан кейін, келесі аптада жарияланады. Бұл туралы облыс әкімі Ғали Есқалиев хабарлады.
— Қазір саяжайшылар үшін қосымша күн бөлу мүмкіндігі қарастырылуда. Және 65 жастан асқан тұрғындарға саяжайға бару рұқсаты да. Бұл жастағы адамдар карантин режимін қатаң орындаған жағдайда саяжайға бара алады. Карантин бұзылған жағдайда оларға әкімшілік қамауға дейін жаза қолданылатын болады. Саяжай қоғамдарында карантиннің сақталуын бақылау шаралары күшейтілетін болады. Қосымша ат полициясының патрульдері қосылады, – деді Ғали Есқалиев.
