БҚО жұқпалы аурулар ауруханасында бірде-бір ӨЖЖ аппараты іске қосылмаған
Облыстық денсаулық сақтау басқармасының басшысы БҚО-да пандемия кезінде коронавирус ауруымен ауыратын науқастарға бірде-бір ӨЖЖ аппараты қосылмағанын айтты.
Болатбек Каюповтың айтуынша, төтенше жағдай режимі мен Қазақстанда карантиндік шаралар кезінде облыста пациенттерге өкпені жасанды желдету аппараты қосылмаған. Бұрын хабарланғандай, БҚО-да 134 ӨЖЖ аппараты жұмысқа дайын.
— Бүгінгі таңда облыс бойынша 5 382 төсекке арналған 20 обсервациялық нысан (бөлімше) ашылды. Бізде 134 ӨЖЖ аппараты бар, оның 109-ы қазір жұқпалы стационарларда. 190 инфекциялық төсекке арналған 3 провизорлық стационар дайындалды, — деп мәлімдеді Болатбек Қайыпов 2 сәуірде.
Естеріңізге сала кетейік, елдегі төтенше жағдай режимі 16 наурызда жарияланып, бүгінгі күні оны 11 мамырға дейін ұзартқан болатын. БҚО-да 31 наурызда Карантин енгізілді. 26 сәуірдегі жағдай бойынша облыста провизорлық стационарда 25 адам, карантинде — 89, үй карантинінде — 1450 адам ұсталады.
Алексей Воробьев
