БҚО-да коронавирусты жұқтырғандар саны 208-ге жетті. Барлығы 41 адам жазылды

Соңғы мәліметтер бойынша, облыста жұқтырғандар саны 208 адамды құрайды. Кешегі күннен бастап олардың саны 10-ға артты. БҚО-да COVID-19-дан барлығы 41 адам жазылып шыққан.

Аурудың 4 жағдайы бүгін, 6 мамыр күні анықталды. Оның ішінде Түркістан облысының бір тұрғыны, қалған үшеуі-Тәжікстан мен Қырғызстан тұрғындары. Олар «Сырым» өткізу пунктінен карантиндік стационарға жатқызылып, диагноз расталғаннан кейін облыстық жұқпалы аурулар ауруханасына жатқызылды. Олармен байланыста болған адамдар анықталып, бақылауға алынды. Қалған науқастар туралы толық ақпарат әлі белгісіз.

Бүгінгі күні облыста коронавирустық инфекциядан 41 адам жазылды. КВИ диагнозымен 162 адам емделеді, дәрігерлердің бақылауында — 45, карантиндік — 95, үй карантинінде — 2650 адам.

Алексей Воробьев