Қазақстан мектептерінде соңғы қоңырау болады
Елдегі ТЖ режимін алып тастауға арналған брифингте ҚР премьер-Министрінің орынбасары Ералы Тоғжанов оқу жылын аяқтаудың жоспары туралы айтып берді.
Ералы Тоғжанов мектептерде соңғы қоңырау болатынын айтты.
– Соңғы қоңырау мен аттестаттарды тапсыру 3-4 маусымда мектептерде ашық ауада өткізіледі. Әрине, іс-шараларға қатысатын адамдардың саны шектеулі болады. Санитарлық нормаларды сақтау қатаң шектелген, — деді Ерлан Тоғжанов.
Сондай — ақ, премьер-министр 1 мамырға дейін қашықтықтан 3,3 миллион оқушы және ЖОО мен колледждердің 1 миллион студенті білім алғанын айтты. ҰБТ штаттық режимде — 20 маусымнан бастап санитарлық ережелерді сақтай отырып өткізу жоспарлануда.
Естеріңізге сала кетейік, бұған дейін мектептерде соңғы қоңырау коронавирусқа байланысты болмайды делінген.
Мария Драчева
