Қазақстанда салық өседі
Төленетін салық сомасы жоғары төленетін қызметкерлер үшін өседі.
Президент Тоқаев бүгін төтенше жағдай жөніндегі мемлекеттік комиссияның қорытынды отырысында еңбек ақыларына және басқа да табыс түрлеріне қатысты жеке табыс салығының прогрессивті шкаласын енгізу мәселесін пысықтауға уақыт келді, деп мәлімдеді.
«Прогрессивті шкаланың мағынасы — жалақысы төмен азаматтар бүгінгі күнге қарағанда аз төлейтін болады, ал жалақысы жоғары қызметкерлер үшін төленетін салық сомасы артады» – деп атап өтті Мемлекет басшысы.
«Біздің басты мақсатымыз – «көлеңкеден» ең бұқаралық, ашық емес төменгі жалақы сегментін шығару. Егер олар бойынша мөлшерлеме қысқарса, конвертте төлеуге ынталандырулар аз болады « – деп сендірді президент.
Сондай-ақ, келесі жылдан бастап микроқаржы қызметін лицензиялау енгізіліп, азаматтардың мүдделерін қорғау үшін банктік емес кредиттік ұйымдарға бақылау күшейтілетіндігі белгілі болды.
