Қазақстанда ТЖ режимін бұзғаны үшін айыппұл 10 есе өседі
Мәжіліс депутаттары төтенше жағдай кезінде режимді бұзғаны үшін жарты миллион теңгеге дейінгі айыппұлды қарастыратын әкімшілік құқық бұзушылық туралы кодекске түзетулерді мақұлдады, деп хабарлайды Tengrinews.kz. тілшісі
Бұл ереже «Қазақстан Республикасының денсаулық сақтау мәселелері бойынша кейбір заңнамалық актілеріне өзгерістер мен толықтырулар енгізу» туралы заңының жобасына жазылды.
«Бюджет кодексіне, «Концессиялар туралы», «Мемлекеттік мүлік туралы» заңдарға Денсаулық сақтау саласындағы мемлекеттік-жеке меншік әріптестік жобаларын іске асыру процесін оңайлату бөлігінде, әкімшілік құқық бұзушылық туралы Кодекске елдегі төтенше жағдай кезінде режимді бұзғаны немесе шектеу іс-шараларының талаптарын орындамағаны үшін жауапкершілікті күшейту бөлігінде түзетулер қабылданды», — деп хабарлады заң жобасының қорытындысын депутат Бейбіт Мамраев.
Қорытындыда әкімшілік айыппұл 10-нан 100 АЕК-ке дейін (27,7 мыңнан 277,8 мың теңгеге дейін) немесе 15 тәулікке дейін, қайталап бұзушылық кезінде әкімшілік айыппұл 200 АЕК (555,6 мың теңге) мөлшерінде немесе 30 тәулікке дейін қамауға алынғаны атап өтілген.
Қазақстанда төтенше жағдай режимі 2020 жылдың 16 наурызынан 11 мамырына дейін қолданыста болды.
