БҚО-ның жеті тұрғынында коронавирустық инфекция анықталды
Коронавирустық инфекциясы бар бес пациент медицина қызметкерлері болып табылады. Олардың үшеуі алдын алу тексерісі барысында анықталды, ал екеуінен бұрын анықталған науқастармен байланыста болуына байланысты зертханалық зерттеулерге сынама алынды.
— Сондай-ақ, коронавирустық инфекция Атырау облысының Теңіз кен орнында жұмыс істеген 1983 жылы туылған Батыс Қазақстан облысының тұрғынынан табылды. Көрші аймақтан келуіне байланысты карантиндік стационарға жатқызылып, коронавирусқа теріс нәтижеден кейін үй карантиніне жіберілді. Температураның жоғарылауына байланысты медицина қызметкері тексеріп, зертханалық зерттеулерге сынама алды, — деп хабарлады Мемкомиссияның жедел штабында.
Сондай-ақ, Орал қаласының 62 жастағы тұрғынынан коронавирустық инфекция табылды. Ол бұрын анықталған науқастармен байланыста болды.
ПТР диагностикалық зерттеу нәтижелері бойынша барлығы COVID-19 диагнозы нақтыланып, облыстық жұқпалы аурулар ауруханасына қайта емдеуге жіберілді.
Науқастармен байланыста болған адамдар анықталып, медициналық бақылауға алынды.
Ауру ошақтарында дезинфекциялық жұмыстар жүргізілді. Эпидемияға қарсы іс-шаралар жалғасуда.
