Жайықтың жағдайы жайында
11 мамыр күні Жайыққа келіп жатқан су деңгейі 307 см жетті. Гидрометеорология және қоршаған орта мониторингі бойынша Приволжье басқармасының екі болжамы (Самара қ.) орындалмады: наурыз айының ортасында берілгені: алдын ала (550-650 см) және сәуірде нақты (200-300 см) болатын.
13 мамырда су деңгейі 300 см. болды. Елек су қоймасынан су ағызу бұрынғысынша жазғы көлемде-секундына 15 текше метр, бұл уәде етілген 150 метрден әлдеқайда аз. Биыл Жайық жайылмасына тағы да су шықпады, бұл шабындықтар мен жайылма көлдерінің жағдайына кері әсер етеді.
Жайық өзені бассейнін сауықтыру бойынша ресейлік экологтармен жұмыстану туралы ҚР экология, геология және табиғи ресурстар Вице-министрі Ахметжан Пірімқұлов жұма күні өткен брифингте:
«Екі апта бұрын Ресей мен Қазақстанның экология және табиғи ресурстар министрі мен экология және геология министрімен бірлесіп бейнеконференция байланысы арқылы кездесу өтті. Жайық өзенін экологиялық сауықтыру бағдарламасын әзірлеу туралы шешім қабылданды. Бүгінгі күні Жайық өзенін экологиялық сауықтыру жөніндегі сараптамалық топтың құрамы құрылып, РФ-ға жіберілді. Біз Ресей тарапымен бірлесіп, осы жұмысты үйлестіру және Жайық өзені бассейніндегі жағдайды жақсарту бойынша бірқатар шаралар жүргізу үшін РФ өкілдерімен келісілетін өзекті мәселелер тізімін әзірлейміз», — деген болатын.
Не болса да тіршіліктің көзі болып табылатын сусыз – малға да жанға да қиын болмақ.
