Орал ТИЗО-да сотталған оныншы сынып оқушысы өз-өзіне қол жұмсады
Ирина Лапина өгей әкесін өлтіргені үшін 9 жылға бас бостандығынан айырылды. БҚО бойынша ҚАЖ департаментінің қызметкерлері тергеу изоляторының камерасынан он жеті жасар қыздың мәйітін тапты.
БҚО бойынша ҚАЖД баспасөз қызметі хабарлағандай, қыздың денесін ТИЗО қызметкерлері 8 мамыр күні сағат 15.30-да тапқан. Ирина Лапина өзіне-өзі қол жұмсады. Қыз өзінің колготкаларын пайдаланып, бір ұшын терезе торына, екіншісін мойынға байлаған.
— Тергеу изоляторларында жедел жәрдем бригадасы мен Орал қаласының жедел – тергеу тобы, прокуратура өкілі дереу шақыртылды. Сондай – ақ ТИЗО-ға «Адам құқықтары және заңдылықты сақтау жөніндегі Қазақстандық Халықаралық бюро»ҚБ Батыс Қазақстан филиалының басшысы қатысты. Қыздың денесін тексеру кезінде дене жарақаттары табылған жоқ. Өлімнің себебі механикалық асфиксия болды,-деп хабарлады БҚО бойынша ҚАЖД баспасөз қызметі.
БҚО бойынша филиалдың адам құқықтары және заңдылықты сақтау жөніндегі халықаралық бюросының жетекшісі Павел Кочетков орын алған жағдайдың объективтілігін анықтау үшін ҚАЖД қызметкерлерімен шақырылғанын айтты.
— Мен өлген адамның денесін қарап шықтым, (менің қызметімнің құзыреттілігі қаншалықты мүмкіндік береді) қыздың мойнында із болды, басқа да зақымданулар болған жоқ. Сондай-ақ, мен қызбен бірге отырғаннан сұрақ-жауап алдым, ол алдымен бір камерада болды, содан кейін оны басқа камераға ауыстырған. Бір камерада отырғандар да, көршілестері де болған оқиғаға қатты уайымдады. Олар оның анасының келмегеніне және қыздың өтінішіне жауап бермегеніне соңғы уақытта қыздың күйзелгенін айтты, — деп хабарлады Павел Кочетков.
Құқық қорғаушының айтуынша, ол ТИЗО қызметкерлерінен, психологтан жауап алып, медициналық картаны қарап шықты.
— Медициналық картаға қарағанда, қыздың денсаулығына шағымы болған жоқ. Қызметкерлерінің айтуынша, ол бірде-бір рет шағымданбады және ештеңе сұрамады. Психолог «бесі күні қыз ренжіген күйде болғанын айтты. Сөйлесуден бас тартты.» Қасындағыларының айтуынша, трагедия күні олардың барлығы әдеттегідей таңғы ас ішкен, түскі ас ішкен және серуенге кеткен. Бірақ Ирина серуендеуден бас тартқан,көршілері қайтып оралғанда Иринаны көріп бақылаушыларды бірден шақырған, — деп хабарлады Павел Кочетков.
ҚАЖ департаментінде қыз қайтыс болған камерада жазбаның жоқ екенін, қайтыс болған адамның денесі туыстарына берілгенін түсіндірді.
Қазіргі уақытта Орал полиция басқармасы сотқа дейінгі тергеу жүргізуде. ҚР ҚІЖК 201-бабына сәйкес (Сотқа дейінгі тергеу деректерін жариялауға жол бермеу). Егер бұл тергеу мүдделеріне қайшы келмесе және басқа адамдардың құқықтары мен заңды мүдделерін бұзумен байланысты болмаса, олар прокурордың рұқсатымен ғана жария етілуі мүмкін .
Естеріңізге сала кетейік, Ирина Лапин өгей әкесін өлтіргені үшін 9 жылға бас бостандығынан айырылды. Ер адам оның анасы мен сіңлісін қорлады. Кезекті жанжал соңғы болды. Досымен бірге ер адамды өлтірді. Оныншы сынып оқушысы Ирина 9 жылға, оның 19 жасар досы Нұрхан Максотқа 15 жылға бас бостандығынан айырылды. Толығырақ мұнда.
Сондай — ақ, оқыңыз: Өгей әкесін өлтіргені үшін 9 жылға сотталған Орал қаласының оныншы сынып оқушысы туралы не мәлім болды, — қыз туралы туыстары мен таныстары айтып берді
Мария Драчева
