БҚО-да 414 коронавирус ауруы анықталды. Оралда балабақшалар мен емханалар уақытша жабылды

БҚО-да COVID-19 ауруының 414 жағдайы тіркелген,оның ішінде 15-і 14 жасқа дейінгі балалар. Демалыс күндері сырқаттанғандар саны 44 адамға көбейді,осыған байланысты билік балалар бақшалары мен емханаларды уақытша жабу туралы шешім қабылдады.

– 23 Мамырда 16 жағдай тіркелді (өсім 4,3%) , 24 Мамырда-28 жағдай (өсім 7,3%). Оның ішінде 64 медицина қызметкері, 5 полиция қызметкері, 2 балабақша қызметкері, 2 білім беру бөлімінің қызметкері, оқу орталығының мұғалімі мен оқушысы және 1 блок — постының қызметкері. Қазіргі уақытта 226 адам шығарылған, — деді БҚО тауарлар мен қызметтердің сапасы мен қауіпсіздігін бақылау департаменті басшысының орынбасары Нұрлыбек Мұстаев.

Оның айтуынша, қазір стационарларда 342 адам, үй карантинінде — 1134 адам бар. Сондай-ақ аудандарда жұқтыру жағдайлары да өсуде. Ақжайық ауданында жұқтырудың 5 жағдайы, Бөрлі ауданында — 7, Сырым ауданында — 5, Бәйтерек ауданында — 5, Тасқала ауданында — 11, Теректі ауданында — 2, Жәнібек ауданында — 2, және Оралда 377 жағдайы тіркелді.

– Қарашығанақ кен орнының қызметкерлері арасында аурудың тіркелуіне байланысты кен орнына 5 маусымға дейін карантин қойылды. Қала аумағында жедел штаб шешімімен барлық мектепке дейінгі ұйымдардың қызметі тоқтатылды (соның ішінде балабақшалар — автор. ред.). Сонымен қатар, №2, 3, 4 және 5 емханалардың жұмысы тоқтатылды. Бұл тұрғындар коронавирусқа күдіктенуіне байланысты, — деп түсіндірді Нұрлыбек Мұстаев.

Қазір облыста аурушаңдықтың өсімі 5% деңгейінде тұр. Карантинді толық алу үшін ол 2% және одан төмен белгіге жетуі тиіс. Естеріңізге сала кетейік, 23-ші мамыр күні БҚО санитарлық дәрігері Мұхамғали Арыспаев 15-ші маусымға дейін карантинді ұзартты. Ашылып үлгерген кәсіпорындар, өз жұмысын тоқтатпайды.

Алексей Воробьев