БҚО-да 1 маусымнан бастап карантиндегі босаңсулар күтіледі

БҚО-да карантиндік режимді қайтадан әлсіретуі мүмкін. Карантинді жеңілдетудің келесі кезеңі, бұрын айтылған жоспарға сәйкес ірі базарлардың, сауда үйлерінің және басқа да әлеуметтік объектілердің ашылуы болуы тиіс. Бұдан басқа, БҚО-да блок бекеттерін алып тастауы мүмкін.

– Бізде карантин 15 маусымға дейін ұзартылды. 1 маусымнан бастап облыстар арасында теміржол қатынасы іске қосылады, жедел штабта блок бекеттерін алып тастау және әлеуметтік нысандарды ашу туралы мәселе шешілуде. Бірақ РФ шекарасында олар әлі қалады, – дейді БҚО тауарлар мен қызметтердің қауіпсіздігін бақылау департаменті басшысының орынбасары Нұрлыбек Мұстаев.

Оның айтуынша, бала бақша ашылған жағдайда ата-аналар да баланың сау екені туралы анықтаманы балабақшаға апаруы тиіс.

— Әрбір шешім облыс аумағындағы эпидемиологиялық жағдайды ескере отырып келісілуі тиіс. Нелер ашылады, оны БҚО жедел штабы шешеді, — деді Нұрлыбек Мустаев.

Айта кетейік, карантинді жеңілдету жоспарына сәйкес, соңғы кезеңде фитнес-залдар, моншалар, қоғамдық тамақтану орындары (мейрамханалар, кафелер және т.б.), сұлулық салондары, қонақ үйлер ашылады. Дегенмен, 1 маусымнан бастап қандай нысандар ашылады, бұрынғыдай жедел штаб шешетін болады.

Алексей Воробьев