БҚО-да Covid-19 жұқтырғандар саны 580-ге жетті
Өткен тәулікте облыста Covid-19 ауруының 36 жағдайы тіркеліп, өсім 6,6% – ды құрады.
БҚО әкімінің баспасөз қызметі хабарлағандай, коронавирусты инфекцияға шалдыққан 1 науқас Ресей Федерациясында жұмыс істейтін облыстың тұрғыны болып табылады.
– РФ шекарасындағы » Тасқала «бекетінде байланыссыз термометрия жүргізу кезінде шағым болған жоқ. Алгоритмге сәйкес, СКП эпидемиологтары жедел жәрдем шақырған, карантиндік стационарға жатқызылды. Сондай-ақ, коронавирустық инфекция облыстың 31 тұрғынынан табылды, бұрын анықталған науқастармен байланыста болуына байланысты зертханалық зерттеулерге сынама алынды. Төрт адамнан алдын алу мақсатында сынамалар алынды, – деп хабарлайды БҚО әкімінің баспасөз қызметі.
ПТР диагностикалық зерттеу нәтижелері бойынша барлығында COVID-19 диагнозы нақтыланды, пациенттер инфекциялық стационарға қайта жатқызылды.
Науқастармен байланыста болған адамдар анықталып, медициналық бақылауға алынды.
Ауру ошақтарында дезинфекциялық жұмыстар жүргізілді.
Айта кету керек, облыста коронавирустық инфекцияның 580 жағдайы тіркелген, 281 адам сауығып кеткен. Өлім жағдайы тіркелген жоқ.
Сақтық шараларын ұстануыңызды сұраймыз: көшеде арақашықтықты сақтап, бетперде тағып, антисептик қолдануыңызды ұмытпаңыз?!
