Оралда үш автобус бағыты тоқтатылды

Бұл туралы Орал қаласы әкімдігінің Instagram аккаунтында хабарлады. Биліктің кенеттен шешімі адамдардың санитарлық тәртіпті сақтамауымен және қоғамдық орындарда бетперде тақпауымен түсіндіріледі.

Орал қаласының ТКШ жолаушылар көлігі секторының меңгерушісі Алмаз Ахошев 4 маусымнан бастап №3 және №10 бағыттағы автобустардың қозғалысын тоқтатты. Маршруттар «№1 ЖАК» (жолаушылар автомобиль кәсіпорны) ЖШС және»Ақжол-Авто» ЖШС тиесілі.

– Автобустарда санитарлық талаптар сақталмайды, жүргізушілер мен кондукторлар бетпердесіз және қолғапсыз жұмыс істеді, салондарды өңдеу жүргізілген жоқ, дезинфекция өткізілген жоқ. Біз бірнеше рет тексерулер жүргізіп, барлығына ескерттік. Нәтиже шығармағасын тоқтатуға тура келді. Егер тасымалдаушылар талаптарды одан әрі бұзса, біз автобустарды рейстен шығарғанға дейін шаралар қабылдайтын боламыз, – деп атап өтті Алмаз Ахошев.

Сонымен қатар, Алмаз Ахошев жолаушылар санитарлық талаптарды жиі елемейді деп атап өтті.

– Әр жолы адамдар жеке қорғаныс құралдарынсыз автобустарға отыратынын көріп отырмыз. Өтініштерге әртүрлі жауап береді: біреу жауап бермейді,енді біреуі мыж-мыж, лас бетпердесін қалтасынан шығарып тағып алады. Сондықтан да болмайды, – деді сектор меңгерушісі.

Естеріңізге сала кетейік, 30 мамыр күні коронавирус ауруымен ауырғандар санының айтарлықтай өсуіне қарамастан, облыстың бас санитарлық дәрігерінің қаулысымен БҚО-дағы көптеген сауда үйлері мен қоғамдық нысандар ашылды.

Нана Иксанова