Орал полициясы Қазақстан тұрғындарына кредиттік рақымшылық сұрап митингке шыққандарды қатаң қамауға алды.(СУРЕТ, БЕЙНЕ)
Адамдар өздерінің наразылығын білдіруге шешті, себебі олардың ТЖ-ға байланысты тоқтаған кәсіпорындарының салдарынан банктерге беретін ақшалары жоқ.
Полиция бейбіт жиналыстар туралы заңға енгізілген түзетулерге қарамастан, наразылық акциясын өткізу туралы хабарламаны карантин алынып тасталғаннан кейін ғана беруге болатынын түсіндіре бастады.
Қалалық ішкі саясат бөлімінің басшысы Ербол Көшеков жиналғандарды неге жиналғанын сұрады. Бұған белсенділердің бірі жиналғандардың өз талаптары бар екенін түсіндірді.
– ТЖ режимі жақында ғана аяқталды,бірақ біз әлі де өзімізге келе алмаймыз. Бізге ол қаржы жағынан қатты соққы берді. Біз Қазақстан халқына несие қарызын кешеуілдетуді, әрбір адамға қолдау ақшасын — 50 000 теңгеден төлеуді талап етеміз, – деді белсенділердің бірі.
Содан кейін ол жерге бірнеше микроавтобус келіп, адамдарды көлікке күштеп отырғыза бастады.
Жан-жақтан «Сіз не істеп жатырсыз?!», «Сіздің құқығыңыз жоқ!» деген айқайлар шығып жатты.
«Балам,сіз оларды қайда апара жатсыз?!»,- деді қасында тұрған әйел . — «Сендерде қазақсыңдар ғой және де өз халқыңызға қарсы, сол қазақтарға қарсы шығасыз ба…»
Полиция қызметкерлері өз іс-әрекеттерін облыстың бас санитарлық дәрігері Мұхамғали Арыспаев көпшілік іс-шараларды өткізуге тыйым салынғанын айтып түсіндірді.
Естеріңізге сала кетейік, белсенділер бейбіт митингті өткізу туралы хабарламаны әкімдікте 2 маусым күні қалдырып кеткен болатын,бірақ оларға 4 маусым күні рұқсат берілмеді. Ал 5 маусым күні сағат 18.00-де «Ақжайық» телеарнасының тікелей эфирінде облыстың бас санитарлық дәрігері Мұхамғали Арыспаев облыста карантиндік шаралардың күшейтілгені туралы хабарлаған болатын.
Нана Иксанова
Сурет: Рауль Упоровтікі
