Оралда шомылып жүрген әйел моторлы қайықтың қалағынан қаза тапты

Белгіленбеген моторлы қайықта жүрген белгісіз ер адам іздеу үстінде. Бұл туралы БҚО ІІД баспасөз қызметі хабарлады.

Қайғылы оқиға 6 маусымда, 22.15-те орын алды.

— 41 жастағы әйел шойын көпірге жақын Шаған өзенінде шомылды. Осы уақытта белгісіз тұлға моторлы қайықпен өзен бойымен Селекционный кентіне қарай, «Дружба» саяжай қоғамы тарапынан қозғалып, әйелді қағып кетті. Ол дене жарақатын алып, сол жерде қайтыс болды,- деп хабарлады полиция департаментінен.

Сондай-ақ, ДП баспасөз қызметінде оқиға орнынан ізін суытқан ер адамды іздестіру әлі де жалғасуда. Белгісіз адамға қатысты ҚР ҚК-нің 344-бабының 2-бөлігі «Темір жол, әуе, теңіз немесе өзен көлігін пайдалану немесе қозғалыс қауіпсіздігі ережелерін бұзу»бойынша сотқа дейінгі тергеу басталды.

Атап өтсек, Қазақстанда су көлігін жүргізу 2004 жылғы 6 шілдедегі № 574 — II «Ішкі су көлігі туралы» Заңымен 19.04.2019 жылғы жағдай бойынша реттеледі.

Мария Драчёва