Полиция Орал қаласының 44 тұрғынын демалыс күндері шектеу шараларын бұзғаны үшін жазалады
БҚО полициясы демалыс күндері шектеулер шараларын бұзғаны үшін Орал қаласының 44 тұрғынына әкімшілік хаттама толтырды. Санитарлық талаптарды бұзған кәсіпкерлерге қатысты тағы 43 материал сотқа берілді.
Жергілікті полиция басқармасы бастығының орынбасары Ернар Сұлтанғалиевтің айтуынша, өткен демалыс күндері рейдтер барысында облыстың 44 тұрғынына хаттама жасалған.
— Біз күн сайын адамдар көп жиналатын жерлерге рейдтер жүргізудеміз. 27 және 28 біз 44 құқық бұзушылықты анықтадық, олар туралы материалдар жиналып, органдарға берілді, — деп толықтырды ол.
Облыстың бас санитарлық дәрігері Мұхамғали Арыспаев Орал қаласының әкімшілік сотына санитарлық талаптарды сақтамаған мекеме иелеріне қатысты 43 материал берілгенін хабарлады. Мұндай тәртіп бұзушылардың саны өткен тәулікте ғана анықталды.
— Әлі күнге дейін сауда нысандарының, шаштараздардың, дүкендердің, мейрамханалардың әкімшіліктері қалыптасқан жағдайды толық түсіне алмай отыр, сондықтан хаттама жасауға тура келеді. Әрбір тәртіп бұзушылық бойынша заңға сәйкес жауапкершілік болуы тиіс, — деп толықтырды Мухамғали Арыспаев.
Естеріңізге сала кетейік, 27 және 28 маусымда Оралда күшейтілген шектеу шаралары енгізілген болатын: базарлар мен сауда үйлері жұмыс істемеді, қоғамдық көліктер жүрмеді, тұрғындарға үйден шықпауға кеңес берілген болатын. Қалада ауқымды дезинфекция жүргізілді-алаңдар, скверлер, автобустар және автобус аялдамалары өңделді.
Алексей Воробьев
