Covid-19 және пневмониямен ауыратындарға тегін дәрі-дәрмек тарату тапсырылды
Денсаулық сақтау министрлігі еліміздің әкімдіктеріне ауырып жатқан науқастарға тегін антибиотиктер мен қызуды түсіретін дәрілер жеткізу туралы тапсырма берді.
Бұл туралы денсаулық сақтау министрінің орынбасары Ажар Ғиният орталық коммуникациялар қызметінде өткен онлайн брифинг барысында айтты.
Оның сөзінше, ведомство емханалардың бас дәрігерлерімен жиналыс өткізген.
Отырыс кезінде медициналық мекемелер қазақстандық науқастарға тегін дәрі-дәрмек бере алады деген шешім қабылданған. Бұл жіті вирустық инфекция мен пневмонияға байланысты амбулаториялық ем қабылдап жатқандар адамдарға қатысты.
Науқастарға міндетті медициналық сақтандыру аясында антибиотиктер мен температураны түсіретін дәрілер берілуі тиіс.
Дәрі-дәрмектерді жеткізу ақысыз болады. Оларды клиника жанындағы мобильді топтар тарату керек.
Мұндай бұйрықты Денсаулық сақтау министрлігі беріп, тиісті хаттар қала мен облыс әкімдіктеріне жіберілді.
