Қасым-Жомарт Тоқаев: «Маған ұпай жинау керек емес»
Үкіметтің кеңейтілген отырысы барысында ҚР Президентіне Үкіметті түгелімен босату туралы кеңес берген. Бұл туралы Мемлекет басшысы мәлімдеді, деп хабарлайды «ҚазАқпарат» ХАА тілшісі.
«Мен ашығын айтамын: осы отырысты дайындау кезінде маған өңірлердің, ведомстволардың кейбір бірінші басшыларын жұмыстан босатуға, тіпті барлық үкіметті отставкаға жіберуге кеңес бергендер болды. Мұны қоғам жақсы қабылдайды, көптің алдында ұпай жинайсыз деді, маған ұпай жинау қажет емес. Мен жауапты адамдарды тыңдауға және естуге дайынмын, бірақ көпшілікпен ойнауға бара алмаймын. Ондай жағдайда және ол жаста емеспін», — деді Үкіметтің кеңейтілген отырысы барысында Мемлекет басшысы.
«Кейбір әкімдер сөгіс пен ескертулер алды. Жалпы, мұндай жазалауға облыстар мен министрліктердің басқа да басшылары лайық болуы мүмкін», — деді Қасым-Жомарт Тоқаев.
Естеріңізге сала кетейік, бүгін ҚР Үкіметінің кеңейтілген отырысы өтті. Отырыс барысында Мемлекет басшысы бірқатар тапсырмалар берді, оның ішінде бес күндік мерзімде пандемиямен және оның салдарымен күресу бөлігінде жедел шешімдер қабылдаудың құқықтық алгоритмін дайындау.
