Оралда дәрі-дәрмек сатқан алыпсатарлар ұсталды
Оралдық полицейлердің төрт күндік рейд жүмысының барысында дәрілік препараттарды заңсыз сату фактілері мен лицензиясыз дәрі-дәрмек сатудың бес жағдайы және бағаны негізсіз көтерген төрт дәріхана анықталды, деп хабарлады облыстық полиция департаментінің баспасөз қызметі.

Екі қала тұрғыны коронавирусты емдеу үшін қолданатын дәрі-дәрмектерді жоғары бағамен сатқан. Олар «Цефтриаксон» антибиотиктерін сатқан – ол covid-19-дың ауыр жағдайында, вирустық пневмонияға бактериялық инфекция қосылғанда қолданылады және ауырсынуды басатын «Новокаин» сатқан – бұл препарат нейротропты, қабынуға қарсы және антипарабиотикалық әсерге ие.
Полиция қызметкерлері кәсіпкер азаматтардан 380 «Цефтриаксон» ампуласын және сонша «Новокаинді»тәркіледі.
Орал қаласының басқа тұрғыны сол антибиотиктерді интернет арқылы сатқан. Барлығы әкімшілік жауапкершілікке тартылады.
«Сондай-ақ дәріханаларда медициналық препараттарды жоғары бағамен сату фактілері анықталды. Аталған кезеңде осындай төрт дәріхана табылды»,-деп хабарлады полиция департаментінің баспасөз қызметі.
Дәрі-дәрмектерді жоғары бағамен сату фактілерін анықтау бойынша жұмыс күн сайын жүргізіледі, деп қосты ол.
«ОА» облыс тұрғындары өңіріміздегі дәріханаларда дәрі бағасы негізсіз қымбаттаған жағдайда хабарласуға болатын телефон нөмірлері мен жедел медициналық көмек стансаларының шұғыл желілерінің байланыс нөмірлерін жариялайды.
БҚО: 109 (iKomek),
Батыс Қазақстан облыстық тауарлар мен көрсетілетін қызметтердің сапасы мен қауіпсіздігін бақылау департаментінің нөмірі – 8(7112) 51-27-66,
«Ақжайық адалдық алаңы» жобалық кеңсесінің WhatsApp нөмірі 8(747) 492-91-79;
Жедел медициналық көмек стансаларының шұғыл желісі.
Батыс Қазақстан облысы: 8-7112 51-82-55