Оралда қоқыс сұрыптауға 75 жұмысшы қажет
Жұмысшылардың жалақысы 100 мың теңгені құрайды, тегін түскі ас беріліп, қызметтік автокөлікпен тегін тасымалданады.
Батыс Қазақстан облысы әкімінің орынбасары Аманжол Алпысбаев Facebook әлеуметтік желісіндегі парақшасында сұрыптау желісіне 75 жұмысшы қажет екендігі туралы пост жазды.
– Қызметкерлерге тегін түскі ас беріледі, қызметтік автокөлікпен тегін тасымалданып, қолға 100 мың теңге жалақы төленеді. Егер біз пәтерлерде бөлек жинауды жылдам енгізетін болсақ, онда сұрыптау желісінде жұмысшылардың еңбек жағдайын жақсартуға көмектесе аламыз. Қазір азық-түлік қалдықтары жұмыс істеуге көп кедергі келтіруде, – деп жазды Аманжол Алпысбаев.
