БҚО тұрғыны қарудан оқ атып үш адамды жарақаттады
Бөкейорда ауданының тұрғыны Табиғат Саматов аңшы мылтығынан оқ атқан.
Хан орда ауылынан Табиғат Саматов,»Табиғат» шаруа қожалығының басшысы, 55 жастағы ер адам. 19 шілде күні кешкі сағат 11-де ол өз ауылында Зұлқашев көшесіндегі №26 үйдің жанында аңшы мылтығынан оқ атқан.
Ату нәтижесінде Төремурат Ғайсин, 27 жаста ( сол және оң жіліншіктері мен іштің алдыңғы қабырғасының көптеген атыс жаралары), Жұмабек Нәсекенов, 27 жаста (сол жақ табанына оқ тиген) және Еркебұлан Такесов, 27 жаста (оң табанның бірінші саусағына оқ тиген) жарақат алды. Зардап шеккендердің барлығын дәрігер қарап шығып, медициналық көмек көрсетті.
Оқиға орнында жедел-тергеу тобының қызметкерлері бір ұңғылы мылтық, 12 калибрлі гильза және пижа тапты.
Айта кетейік, қаруды сақтауға 5 жыл мерзімге рұқсат берілген. Құжат 2018 жылдың желтоқсанында тіркелген.
Қазіргі уақытта Табигат Саматов тергеу изоляторында. Осы факті бойынша тергеу Бөкей ордасы ауданының полиция бөлімінде жүргізіледі. Полиция бөліміне 19 шілде күні сағат 23: 11-де арыз келіп түсті және 20 шілде күні сотқа дейінгі тергеудің бірыңғай тізілімінде тіркелген.
