БҚО-да өрт кезінде үш адам қаза тапқан
БҚО-да бірінші жартыжылдықта барлығы 230 өрт болды, деп хабарлайды БҚО ТЖД.
БҚО ТЖД бастығы Жасұлан Жұмашев өрт кезінде 7 адам түрлі жарақат алып, 3 адам қаза болғанын айтты.
Өрттен келген материалдық шығын 8 млн теңгеден асты.
Қалада 95 өрт болды, ауылдық жерлерде 135 өрт тіркелді. Өрттерден келтірілген залалдың негізгі үлесі ауылдық жерлерге тиесілі.
— Өрттің негізгі саны әлі де тұрғын үй секторына тиесілі екенін атап өткен жөн. 230 өрттің 153-і жеке және көп пәтерлі тұрғын үйлерде болды. Өткен жылдың осы кезеңімен салыстырғанда осы санаттағы өрттердің төмендеуі байқалады. Тұрғын үй секторындағы өрттердің негізгі себептері, әдетте, халықтың тұрмыстағы өрт қауіпсіздігінің қарапайым талаптарын сақтамауы, отты абайсыз пайдалану, электр жабдықтарын монтаждау және пайдалану ережелерін бұзу болып табылады, — деп атап өтті Жасұлан Жұмашев.
Осы мақсатта Департамент және оның аумақтық бөлімшелерінің қызметкерлері рейдтер, азаматтардың жиындарында өрт қауіпсіздігі ережелерін түсіндіру, бұқаралық ақпарат құралдары және әлеуметтік желілер беттері арқылы ақпараттандыру жұмыстарын жүргізеді.
