БҚО полицейлері алты мас жүргізушіні ұстады
Сегіз адам, оның алтауы көлік құралын мас күйінде басқару фактісі бойынша ұсталып, бейімдеу орталығына жеткізілді, деп хабарлайды БҚО полиция департаментінің баспасөз қызметі.
БҚО полиция департаментінің баспасөз қызметінен атап өткендей, 29 шілдеге қараған түні ғана полиция қызметкерлері 55 Әкімшілік құқық бұзушылықты анықтады.
— 8 азамат мас күйінде ұсталып, бейімдеу орталығына жеткізілді, 16 қоғамдық қауіпсіздікті бұзу, оның ішінде 12 факті — кәмелетке толмағандардың түнгі уақытта заңды өкілдерінің еріп жүруінсіз тұрғын үйден тыс жерде болуы, 39 жол қауіпсіздігін бұзу, оның ішінде 6 көлік құралын мас күйінде басқару фактісі, 9 көлік құралы мамандандырылған тұраққа, оның ішінде 1 мотоцикл, жүргізушісі оны мемлекеттік нөмірсіз басқарған, — деп хабарлады полицияның баспасөз қызметі.
Қаулы талаптарын сақтамағаны үшін 190 жүргізушіге қатысты бастапқы материалдар жиналып, шешім қабылдау үшін БҚО тауарлар мен көрсетілетін қызметтердің сапасы мен қауіпсіздігін бақылау департаментіне жіберілетін болады.
