Денсаулық сақтау вице-министрі ұсталды

Олжас Әбішев денсаулық сақтау вице-министрі қызметіне 2018 жылы тағайындалған болатын, қазіргі уақытта тергеу жүріп жатыр.

ҚР ҚМ қаржы мониторингі комитеті экономикалық тергеу қызметінің қызметкерлері денсаулық сақтау вице-министрі Олжас Әбішевті ұстағанын растады. Ол бюджеттің қаржысын жымқырғаны үшін айыпталуда, – делінген хабарламада.

Тергеу амалдары жүргізілуде.

ҚР ҚІЖК 201-бабына сәйкес, сотқа дейінгі тергеп-тексеру деректері жария етуге жатпайды

Айта кетейік, Олжас Әбішев 2018 жылы вице-министр болып тағайындалды.

Олжас Әбішев түрлі жылдары:

«Қазагромаркетинг» АҚ,

«Қазақстан Ғарыш Сапары» ҰК АҚ,

«Ұлттық ақпараттық технологиялар» АҚ,

«Ұлттық медициналық холдинг» АҚ,

«Медициналық технологиялар және ақпараттық жүйелер орталығы» АҚ,

«Әскери-стратегиялық зерттеулер орталығы» АҚ,

«Astana Innovations» АҚ,

«Тұран Астана» университетінде, сондай-ақ, коммерциялық құрылымдарда жұмыс істеген. 2017 жылғы қыркүйек айынан бастап қазіргі таңға дейін ҚР ДСМ «Республикалық электрондық денсаулық сақтау орталығы» РМК бас директоры лауазымын атқарған.