Тәуліктік нәтижелер күн сайын жарияланатын болады

Бұл туралы ҚР Денсаулық сақтау министрлігі хабарлады.

Қазіргі уақытта коронавирустық инфекциядан 27 597 адам ем қабылдауды жалғастыруда. Олардың арасында 172 өскіншек бала бар. Стационарларда 6 351 науқас жатыр. 21 246 адам амбулаториялық жағдайда емделуде. Жалпы науқастардың арасында 172 адамның ахуалы нашар. Соның ішінде 26 науқастың ахуалы аса қатты ауыр деп бағалануда. 44 науқас өкпені жасанды желдету аппаратында жатыр. ⠀

ҚР Денсаулық сақтау министрлігі бұдан былай тәуліктік нәтижелер туралы ақпаратты күн сайын үнемі үзбей жариялап отырады. Барлық мәлімет ресми сайтта және ведмостваның әлеуметтік желілердегі парақшалары арқылы таратылады. Атап айтқанда, науқастардың жалпы саны жөнінде, қайтыс болу деректері туралы және де қоғам үшін маңызды ахуалдың барлығы ресми ақпарат тарату көздерінде жедел жарияланып тұрады.

Ал, аймақтардағы ахуал туралы ақпаратты апта сайын Денсаулық сақтау министрлігінің ресми өкілі арнайы брифингте хабарлап тұрады.

Қазақстанда өткен тәулікте коронавирус инфекциясын жұқтырған 1 062 адам (ауру белгілері барлар – 569, жоқтар – 493) тіркелді.

Республика бойынша ең көп науқас тіркелген өңірлер:

Нұр-Сұлтан – 210;

Алматы – 176;

Шығыс Қазақстан облысы – 122;

Қарағанды облысы – 92.

Республика бойынша барлығы 94 882 адам коронавирус инфекциясын жұқтырса, емделіп жазылғандары – 67 031.

Батыс Қазақстан облысында – 59 адамнан анықталды, оның ішінде клиникалық белгілері жоқ тасымалдаушы 28 адам.

Өңірде науқастар саны – 6049, жазылып шыққандары – 5250, қайтыс болғандары – 48 адам.