БҚО-да дауыл салдарынан үйлер шатырсыз қалды
Батыс Қазақстан облысында дауыл соғып, үйлердің шатырын ұшырып әкеткен.

БҚО төтенше жағдай департаменті баспасөз қызметінің мәліметінше, 6 тамызда Сырым ауданы Талдықұдық ауылында дауыл 11 үй және 10 ауыл шаруашылығы нысанының шатырын ұшырғаны туралы хабар түскен. Қатты дауыл 5 тамызда болды.
Сондай-ақ, бұл ауылда электр сымдары үзіліп, 30 үй жарықсыз қалған.
Сонымен қатар, 5 тамызда Ақжайық ауданы Жұбан ауылында қатты жел соғып, ондағы ғимараттың шатырын ұшырып әкеткен. Оқыс оқиғадан ешкім зардап шекпеген.
Мамандар шығынның мөлшерін есептеп жатыр.
