Оралда сыбайлас жемқорлыққа қарсы қызмет көлігінен қашқан полицей жұмыстан шығарылды
БҚО полиция департаментінің баспасөз қызметінен хабарлағандай, сыбайлас жемқорлыққа қарсы қызмет қызметкерінен қашып, жолдағы қос тұтас сызықты кесіп өткен полицей осы жылдың 3 шілдесінде теріс себептермен құқық қорғау органдарынан шығарылды.
– Ол Бәйтерек аудандық полиция бөлімінің қызметкері болды. Әскери тәртіпті өрескел бұзғаны үшін жұмыстан шығарылды, – деп атап өтті ведомствода.
26 маусымда куәгерлер видеоролик жіберді, онда 048kp мемлекеттік нөмірлі және 1313 борттық нөмірлі полиция автомобилі жарқылдауық маяктар мен сиренаны қоспай, қос тұтас сызықты жылдамдықты асырып кесіп өтеді, ал оның артынан 969 BE 55 мемлекеттік нөмірлі Toyota маркалы автокөлігі де ЖҚЕ бұзушылыққа жол береді. 30 Маусымда полиция департаментінің баспасөз қызметі «Тойота»жүргізушісінің жеке басын анықтай алмағандарын хабарлады. Алайда, сол күні куәгер сыбайлас жемқорлыққа қарсы қызмет ғимаратының жанында тұрған «Тойота» автокөлігінің суретін жіберді. Кейін ресейлік нөмірі бар полицей көлігін қуған «Тойота» сыбайлас жемқорлыққа қарсы қызмет қызметкеріне тиесілі екені белгілі болды.
Кейін БҚО полиция департаментінің баспасөз қызметі сыбайлас жемқорлыққа қарсы қызмет қызметкеріне қатысты ҚР ӘҚБтК-нің 596-бабының 3-бөлігі «Көлік құралын жолдың жүру бөлігінде орналастыру, қарсы жүріп өту немесе басып озу ережелерін бұзу»бойынша әкімшілік хаттама толтырылғанын хабарлады. Іс сотқа берілді. Алайда, 23 шілдеде БҚО бойынша сыбайлас жемқорлыққа қарсы қызмет басшысының орынбасары Нұрдәулет Сәмет РСК-да өткен брифинг кезінде олардың ведомствосының қызметкері әкімшілік жауапкершілікке тартылмағанын мәлімдеді.
