Ақсайда жарылған газдан зардап шеккен әйел қайтыс болды
Әйел 12 тамызда қайтыс болды. Ол ауыр жағдайда реанимацияға қатты күйікпен жатқызылған еді.
4 тамызда сағат 9.30-да «Ақсай Жылу Қуат» МКК кәріз-тазарту ғимаратының екі қабатты ғимаратында метан газының нәтижесінде газ-ауа қоспасының жарылысы болды.
Оқиға орнында екі адам зардап шекті. 59 жастағы КТҚ учаскесінің бастығы Охотный Александр Иванович қайтыс болды және 53 жастағы инженер-технолог Гончарова Елена Львовна жарақат алды. Ол ауыр жағдайда реанимацияда күйікпен жатқызылды.
– 12 тамызда әйел қайтыс болды,-деп хабарлады Бөрлі аудандық орталық ауруханасының баспасөз қызметі.
БҚО полиция департаментінің баспасөз қызметі оқиға фактісі бойынша ҚР ҚК 156-бабы «Еңбекті қорғау ережелерін бұзу» бойынша сотқа дейінгі тергеу басталғанын атап өтті.
