Оралдық полицей жалған нөмір тағылған көлік айдаған (БЕЙНЕ)
Оралда 15 тамызда өткен рейд кезінде жалған мемлекеттік нөмір тағылған көлік анықталды. Автокөлік рөлінде полиция қызметкері отырды.
Бұл рейдке меншікті қауіпсіздік басқармасы мен жемқорлықпен күресушілер қатысты. Олардың мақсаты қызметтік көлікті жұмыс уақытынан тыс пайдаланғандарды, жол ережелері мен сыбайлас жемқорлық құқық бұзушылықтарды анықтау болды.
Тәртіп сақшылары рөлде полицей отырған Kia Optima көлігін тоқтатқанда, көлікке орнатылған нөмір жалған болып шықты.
Опубліковано Толегеном Байгуловим Субота, 15 серпня 2020 р.
Нөмірді бірден шешіп алып, көлікті арнайы тұраққа апарған. Бұл туралы өзінің Facebook парақшасында «Адалдық алаңы» жобасының жетекшісі Төлеген Байғұлов хабарлады.
Облыстық полицияның басылымға хабарлауынша, көлік Сырым Датов көшесінде тоқтатылған. Көлік тізгінінде Орал полиция басқармасында қызмет ететін полицей отырған.
Оған жалған нөмірмен көлік тізгіндегені үшін әкімшілік материал толтырылды. Іс сотта қаралатын болады.
