Оқушылардың білімі жаңаша бағаланады Бұл қашықтықтан оқытуға байланысты жүргізіліп отыр.

Жаңа оқу жылында карантиндік шараларға және оқушылардың қашықтан білім алуына байланысты олар әдеттегідей бағаланбайды.

Жалпы республикалық ата-аналар жиналысының таныстырылымында хабарланғандай, коронавирустық инфекцияның таралуына жол бермеу мақсатында шектеу шараларына байланысты бағалау ережелеріне өзгерістер енгізілді.

Сонымен, 1-сынып оқушылары бағаланбайды.

2-11 сыныптарда оқушылардың оқу жетістіктері күн сайын, формативті түрде бағаланады. Тоқсан сайын бөлім үшін бір жиынтық жұмыс болады – БЖБ (бөлім үшін жиынтық бағалау). Және пәндер бойынша бір тоқсандық жиынтық жұмыс.

2020 жылғы 5-15 қазан аралығында 2-11 сыныптарда, 28 қазаннан бастап БЖБ өткізу ұсынылады. Әр мектеп оқу кестесіне негізделген уақытты таңдайды.

Тоқсан үшін баға қою кезінде күнделікті бағалау нәтижелері, 1 БЖБ және 1 ТЖБ (тоқсан үшін жиынтық бағалау) ескеріледі.