Оралда Шаған-Жағалау маңындағы жол апаты: екі адам қаза тапты (БЕЙНЕ)
Бүгін, 27 тамызда, Караев пен Шаған-Жағалау көшелерінің қиылысында жүргізуші автокөлікпен бағанаға соғылып, оқиға орнында көз жұмды. Көлікте отырған жолаушы көптеген жарақаттармен ауруханаға жеткізілгенмен, бір сағаттай уақыттан соң ол да көз жұмды.
https://youtu.be/ABtjOPfXWgc
— ЖКО бүгін таңғы сағат 8-де болған. 27 жастағы «ВАЗ 2112» автокөлігінің жүргізушісі Карев пен Шаған-Жағалау көшелерінің қиылысындағы бағанға кіріп, оқиға орнында көз жұмды. . Аталған факті бойынша ҚР ҚК 345 — бабы бойынша сотқа дейінгі тергеу басталды («Көлік құралдарын жүргізуші адамдардың жол қозғалысы немесе көлік құралдарын пайдалану ережелерін бұзуы»),-деді БҚО ПД баспасөз хатшысы Болатбек Белдібеков.
Жүргізуші сол жерде жан тапсырды. Автокөлікте отырған 1982 жылғы жолаушы ауруханаға жеткізілгенімен, бір сағаттай уақыттан соң ол да көз жұмды.
Куәгерлердің айтуынша, апат кезінде жүргізуші рульге ие бола алмай, бағананы құлатып, қоршауға соғылған.
Алексей Воробьев
