БҚО-да 11 мың кәсіпкер жұмысын қайта бастады

Батысқазақстандық кәсіпкерлерден infokazakhstan.kz сайтына 14 мыңнан астам өтінім келіп түсті бұл туралы облыстық кәсіпкерлер палатасынан хабарлады. Шағын және орта бизнестің 11 мыңға жуық субъектісі өз қызметін қайта бастады.

Айта кетейік, онлайн-ресурс «Атамекен» Ұлттық Кәсіпкерлер палатасының бастамасымен іске қосылды. Айта кетейік, Қазақстанның әрбір кәсіпкері локдаун кезеңінде жұмыс істеген-істемегеніне қарамастан, infokazakhstan.kz. порталында тіркелуге міндетті, барлық қызықтыратын сұрақтарды бірыңғай байланыс орталығының 1432 нөміріне қоюға болады (қоңырау шалу тегін). Сондай-ақ, өңірлік кәсіпкерлер палатасының мамандарынан кеңес алуға болады.

– Сайтта 14 мыңнан астам кәсіпкер тіркелді, – деп атап өтті БҚО Кәсіпкерлер палатасының сарапшысы Исатай Бақтыгереев.

Облыс орталығындағы ірі сауда үйлерінің бірі бірнеше ай бойы жұмыс істемеген. Қазір 600-ге жуық жалға алушы өз қызметін қайта бастады.

– Біз сайтқа тіркелдік. Бізде санитарлық талаптардың сақталуына тексеру жүргізілді, – деді сауда үйінің әкімшісі Елена Кармеева.

Айта кетейік, карантиннің әлсіреуі қазіргі эпидемиологиялық жағдай негізінде жүзеге асырылды. Қазір күн сайын аймақта 10-ға жуық КВИ ауруы анықталады. Бұл бұрынғыға қарағанда он есе аз.

– Карантин күтпеген жерден басталды. Дайын болмадық. Бұл уақытты өте ауыр өткердік», – дейді сатушы Мария Пасикова.

Айта кетейік, 31 Тамызда БҚО-да бірқатар нысандар ашылады.