БҚО-да демалыс күндері қандай нысандар өз қызметін тоқтатады
29 және 30 тамызда қалада карантиндік шектеулер енгізіледі.Қоғамдық көлік жүрмейді.
БҚО бойынша тауарлар мен қызметтердің қауіпсіздігін бақылау департаментінің баспасөз қызметі хабарлағандай, алдағы демалыс күндері, 29 және 30 тамызда сауда үйлері мен сауда орталықтарының, сауда желілерінің, азық-түлік емес және азық-түлік жабық базарлардың, сұлулық салондарының, шаштараздардың, косметологиялық кабинеттердің, SPA-салондардың, фитнес орталықтардың, жаттығу залдарының және спорттық-сауықтыру объектілерінің қызметі тоқтатылады.
Сондай-ақ, сенбі және жексенбі күндері адамдар моншаға, саунаға, балалар мен ересектерге арналған білім беру орталықтарына, түзету кабинеттеріне, балаларды дамыту орталықтарына, үйірмелерге, балалар мен ересектерге арналған курстарға, ашық аспан астындағы аттракциондарға бара алмайды. Қоғамдық көлік жүрмейді, бірақ бұл тыйым саяжай маршруттарына қызмет көрсететін автобустарға қолданылмайды.
