«Ертең таңертең ыстық су беріледі» — «Жайықжылуқуат» басшылығы

«Жайықжылуқуат» АҚ Бас директорының кеңесшісі Вячеслав Солодилов «ҚазТрансГазАймақ» АҚ-мен келіссөздер табысты аяқталғанын және газ беру қайта басталғанын хабарлады. 29 тамыз күні таңертең қала тұрғындарына ыстық су беріледі.

— Бізге газ қосылды, біз біртіндеп штаттық жұмыс режиміне қайта ораламыз, сондықтан ертең таңертең 8-9-да оралдықтардың ыстық суы болады деп ойлаймын. Бұл біздің еңбегіміз емес, бізге қала мен облыс басшылығы көп көмектесті. Сондықтан мереке қарсаңында қала тұрғындарына денсаулық тілейміз, — деді Вячеслав Солодилов телефон арқылы.

Естеріңізге сала кетейік, бірнеше сағат бұрын «ЖТЭ» бас директоры Қуат Мусин қалада ыстық судың қашан қосылатынын білмейтінін айтқан болатын.

Алексей Воробьев