Жарты жыл ішінде Қазақстаннан 11 мың адам кетті

2020 жылдың қаңтар-маусым айларында Қазақстаннан 10 977 адам қоныс аударды, деп хабарлайды LS.

Қазақстандықтар үшін жаңа үйге айналған елдер арасында ең көп үлесті ТМД мемлекеттері алады – 9,8 мыңнан астам. Бұл туралы статкомитеттің дерегінде көрсетілген.

Ресейге 9,5 мың қазақстандық, Өзбекстанға – 131, Белоруссияға – 101, Қырғызстанға – 33, Украинаға – 22 және Әзірбайжанға – 16 көшіп кеткен.

Бұл ретте басқа елдерге 1169 қазақстандық қоныс аударды. Оның 780 – і Германияға, 131 – і АҚШ – та, 59 – ы Канадаға, 20 – ы Израильге, 17-і Түркияға, 7-і Грецияға.

Айта кетейік, 2019 жылы елден 20 071 адам кеткен. Осылайша, мигранттар саны 45,3 пайызға төмендеді.

Білім беруге келетін болсақ, 2020 жылдың бірінші жартыжылдығында көшіп кеткен 1,8 мың қазақстандықтың техникалық, 990 – экономикалық, 539 – педагогикалық, 313 – медициналық, 213 – заңгерлік, 136 – сәулет-құрылыс, 85 – ауыл шаруашылығы және 2,1 мыңнан астам басқа санаттары бар.

Елден кеткен қазақстандықтардың ішінде 3395 адамның жоғары білімі бар (15 жастан жоғары кеткендердің жалпы санының 40,5 пайызы), орта кәсіптік – 2828 (33,7 пайыз), жалпы орта – 1494 (17,8 пайыз) және негізгі орта – 663 (7,9 пайыз).

Жас топтары бойынша 15 жастан асқан және зейнеткерлік жастан кіші 7921 мигрант, 459 – осы деңгейден жоғары. 16 жастан кіші 2,6 мың адам кетті.

Оның үстіне, 15 жастан асқан 5,1 мың қазақстандық некеде тұрса, 2,3 мыңы ешқашан тұрмаған.

Ұлттық белгілері бойынша: 503 қазақ, 7705 орыс, 890 неміс, 759 украин, 271 татар, 141 поляк, 138 белорус, 81 өзбек, 73 кәріс, 47 шешен, 44 әзірбайжан және басқалар қоныс аударды.