Оралда көп қабатты үйдің төбесінде ток соққан ерікті қайтыс болды
Төтенше жағдай 1 қыркүйекте сағат 23.10-да болған. Ол Қонаев шағын ауданындағы 10 қабатты үйде граффити салған суретшіге көмектесіп тұрған.
Орал қалалық полиция басқармасының хабарлауынша, 31 жастағы ер адам ерікті болған. Ол Қонаев шағын ауданындағы 10 қабатты үйде граффити салған суретшіге көмектескен.
— Жұмыс кезінде ол төбеден өтетін жоғары вольтты сымға тиіп кеткен. Ток соққысынан ол оқиға орнында қайтыс болды. Оның қайтыс болу фактісі бойынша сотқа дейінгі тергеу басталды, — деп түсіндірді полициядан.
Белгілі болғандай, 31 жастағы Самат Шайдуллаұлы қалада танымал Uralsk Runners тобының еріктісі болған.
Бүгін, 4 қыркүйек, ол жерленді. Еріктінің соңғы сапарға аттандыруына жүздеген адам жиналды. Көршілер ол туралы мейірімді және жақсы адам еді дейді.
Осы көпқабатты үйде граффити салған суретші Ақмарал Газиева қайғылы оқиға орын алған кезде ол төменде болғанын айтты.
— Самат төбеде болды, ал мен щетканы жуып жатырдым. Ол Uralsk Runners қозғалысының еріктісі болды, олар бізге барлық жағынан көмек көрсететін техникалық жағынан, тіпті тамақ та әкелетін. Бұл өте өкінішті, — дейді Ақмарал Ғазиева.
