Қазақстанда алдағы бес жылда 15 млн ағаш отырғызбақшы

ҚР экология, геология және табиғи ресурстар министрлігі ауқымды көгалдандыруды жоспарлап отыр.

Министрліктің хабарламасында 2030 жылға қарай орман алқаптарының үлесін ағымдағы 4,7% – дан Қазақстан аумағының 5% – на дейін ұлғайту жоспарланып отыр.

Сондай-ақ, ведомство алдағы 5 жылда қалаларда 15 млн ағаш отырғызылатынын айтты.

«Бірақ орман қорына басты назар аударылады. Онда 2 млрд ағаш отырғызылады»,-деп нақтылады Экология министрлігінің баспасөз қызметі.

Сонымен қатар, елорданың айналасындағы жасыл белдеу аумағы 2023 жылға қарай 100 мың гектарға жететіні белгілі болды.

«Бұл еліміздегі орман қорының ең ауқымды жаңаруы болмақ. Астананың айналасындағы жасыл белдеу тәжірибесі көрсеткендей, ағаштар климатты біртіндеп өзгертеді, оны жұмсақ етеді, желден қорғайды. Сонымен қатар, жасыл белдеу марал, елік, суыр, дала қарсақ, ондатр, қоян, кішкентай тышқандар мен қырғауылдарға арналған үй болды», – деп түйіндеді мамандар.