БҚО-да мас жүргізуші полицейге қол көтерген
БҚО Қазталов ауданының тұрғыны полицейлерден қашып кетпек болып, полицейді соққыға жыққан, деп хабарлайды Polisia.kz. Құқық бұзушылық жасаған кезде ауыл тұрғыны мас болып, оны наркологиялық сараптамаға жеткізуге тырысқан.
БҚО полиция департаменті аталған факті бойынша ҚР ҚК 380-бабы 1-бөлігі («Билік өкіліне қатысты күш қолдану») бойынша сотқа дейінгі тергеу басталғанын растады.
— Оқиға Казталов ауданы ауылдарының бірінде орын алды, азамат «А» «Жәнібек – Казталов» автожолында ұсталды, ұстау кезінде алкогольдік масаңдық белгілері болған. Медициналық қорытынды алу үшін ұсталған адамды наркологиялық сараптамадан өткізу үшін жеткізу талап етілді, бірақ ол қарсылық көрсете бастады және өзінің қызметтік міндеттерін орындау кезінде «Е» полиция капитанының КҚПБ көмекшісіне қатысты зорлық– зомбылық қолданды,-деді оқиға туралы БҚО ПД баспасөз хатшысы Болатбек Белгібеков.
Болатбек Белгібеков атап өткендей, бұл облыстағы полицейлерге деген мұндай қарым-қатынастың алғашқы оқиғасы емес. Оның айтуынша, полиция офицерін қорлағаны үшін Бәйтерек ауданы Белес ауылының тұрғыны жауапкершілікке тартылды, ол мас күйінде Орал қаласы ПБП инспекторына балағат сөздер айтқан. Аталған факті бойынша ҚР ҚК 378-бабы 1-бөлігі («Билік өкілін қорлау») бойынша сотқа дейінгі тергеу амалдары жүргізілуде.
