Оралда жылу тарифін 15 пайызға көтеру жоспарлануда

«Жайықжылуқуат» АҚ Бас директоры Қуат Мусин компания жылу энергиясының тарифін 15% — ға арттыруға өтінім бергенін хабарлады. Тариф қаншаға көтерілетінін, жыл соңында монополияға қарсы комитет шешетін болады.

— Біз бес жылда бір рет бекітілетін шекті тариф бойынша жұмыс істейміз және 2020 жылы кезекті мерзім аяқталады. Алдағы бес жылдыққа біз барлық құжаттарды Табиғи монополияларды реттеу департаментіне ұсындық, өтінім беру мерзімі 1 шілдеге дейін болды. Біз жылу тарифін 15% — ға көтеруді жоспарлап отырмыз, бірақ жыл соңында қандай сандар бекітілетіні белгілі болады, — деді Қуат Мусин.

Еске сала кетейік, жақында Оралда тұрмыстық пайдаланушылар үшін электр энергиясының тарифін көтеру туралы шешім қабылданған болатын. Өткізілген қоғамдық тыңдаулар мен алдын ала нәтижелерге қарамастан, тарифті көтеру бойынша түпкілікті шешім осы уақытқа дейін қабылданған жоқ.

Алексей Воробьев