БҚО-да әскерден жалтарған әскерге шақырылушы жазаланды
Батыс Қазақстан облысында әскерге шақырылушы әскери қызметтен жалтарғаны үшін 200 сағатқа қоғамдық жұмысқа тартылды. Бұл туралы ҚР ҚК БШ Ұйымдастыру-жұмылдыру жұмысы департаментінің бастығы Сәкен Жүсіпов ОКҚ брифингінде мәлімдеді.
«Медициналық комиссияның дәрігерлері әскерге шақырылушылардың барлық шағымдарын тексеріп, мұқият талдап қарайды. Осындай тәсілмен біз жарамсыз әскерге шақырылушыларды әскери қызметке шақыру мүмкіндігін барынша азайтамыз, сондай — ақ денсаулық жағдайына байланысты шақырудан жалтару мүмкіндігін болдырмаймыз», — деді Сәкен Жүсіпов журналистердің сұрақтарына жауап бере отырып.
Сонымен қатар, Қорғаныс министрлігінің өкілі атап өткендей, мұндай әскерге шақырылушылар әкімшілік және қылмыстық жауапкершілікке тартылады.
«Жақында Батыс Қазақстан облысында ҚР ҚК — нің 387-бабына сәйкес қызметтен жалтарғаны үшін 2001 жылы туған әскерге шақырылушы 200 сағат қоғамдық жұмыстарға тартылуға жазаланады», — деп хабарлады Сәкен Жүсіпов.
Бұған дейін Қазақстанда әскери қызметке күзгі шақыру басталғанын хабарлаған болатынбыз. Қыркүйек пен желтоқсан аралығында ҚР Қарулы күштері мен басқа да әскерлері мен әскери құралымдары қатарына 18-27 жас аралығындағы 17 мыңнан астам жасты шақыру жоспарлануда.
