БҚО ауылдарында құдықтағы ауыз су қоры таусылып жатыр

Жаңақала ауданы Борық елді мекенінің тұрғындары сусыз қалды, деп хабарлайды «Хабар 24» тілшісі.

Онда 300-ге жуық адам тұрады. Ауыл тұрғындарына мал суаратын ештеңе жоқ. Өмір көзі болған жалғыз су арнасы құрғап қалды. Ол Дөнгелек су қоймасынан нәр алып тұрған еді, оған су өз кезегінде Жайық-Көшім каналы арқылы келіп түсті. Жергілікті биліктің айтуынша, су тамыз айында арнаға жіберілген, бірақ төмен қысымға байланысты ол әлі күнге дейін ол жерге келген жоқ. Жағдай соншалықты қиын, құдықтардағы ауыз су қоры таусылуда.

Нағима Қадырова, Борық ауылының тұрғыны:

«Мал түгел адамға ішетін су тапшы. Құдықта су өте аз қалды. Ауылға су осы каналдан келіп еді».

Асқар Мұқамбетжанов, Жаңақала ауданы әкімінің орынбасары:

«Су болады. Өйткені, су қоймасындағы су деңгейі төмендеді. Тиісінше, қысым да төмендеді. 15 күннен кейін су ауылға келеді».

Өңірдегі елді мекендердің 60 пайызға жуығы сапалы тіршілік нәріне зәру. Ел Президенті Қасым-Жомарт Тоқаев Үкімет құрамымен өткен жиында 2020 жылы ауызсу мәселесін шешуді тапсырған еді.